Pơn jat tai pơrjum dơ̆ 8, ngai do, 07/11, Quôk hội lơh broă tàm hìu pơrjum, cribơyai bè rơndăp broă lơh Adat tam gơl, bơtơl bàr pe bơta bơh Adat Cứng khoán, Adat sră ai priă jền, Adat Sền sơ wì tă ai priă jền is, Adat Kes priă Dà lơgar, Adat Atbồ, ngui jơ tài dà lơgar, Adat Atbồ dia, Adat Ơn prăp Dà lơgar mờ rơndăp broă lơh Adat Ồs đèng (tam gơl). Quôk hội cribơyai bè rơndăp broă lơh Adat Ồs đèng (tam gơl), jat sră yal, rơndăp broă lơh Adat Ồs đèng tơnơ̆ 20 nam lam lơh jat mờ 4 dơ̆ tam gơl bơtơl, mơya tus tŭ do kung gam ờ hềt lơh geh jơnau kờñ lam lơh ală broă lơh dong kờl bơh Đảng dê gơwèt mờ gah năng lượng đơs bal mờ ồs đèng đơs is.

Jơnau rcang cih Adat Ồs đèng (tam gơl) geh 9 tăp mờ 119 bơta gơguh 60 bơta pơndrờm mờ adat yau dê. Jat cau ala  mat Nguyễn Quang Huân, mpồl Bình Dương đơs, jơnau rcang cih adat pal geh ală jơnau cih ngan ngồn bè năng lượng lơh gơlik wơl nàng wèt tus năng lượng tơlir. Kơlôi sơnơng rơndăp broă lơh Adat Ồs đèng (tam gơl) cau ala mat Cẩm Hà Chung, mpồl Phú Thọ đơs là rơndăp broă lơh adat cih kơrnoat lơh glài pal loh làng, pleh lơh bal bal kal ke lơh jat.