Ală cau ala mat sền wơl broă ai lơh jat Adat nàng kờñ lơh gơs adat boh lam wil tơl gùng dà broă lơh bơh Đảng mờ gùng dà broă lơh bơh Dà lơgar dê bè bơt bơtàu mpồl ling geh griăt Ling klàng làng bol Việt Nam pràn kơl dang, kơ̆ kơl jăp, lơh geh jơnau sồr tus nam 2025 sền bal bơt bơtàu mpồl ling niam jak, pràn kơl dang; lơh geh bơnàng jă nàng kơ̆ kơl jăp pơnđơl pràn lơh ngan nam 2030 bơt bơtàu mpồl ling klàng kăc màng, tờm ngan, ngăc ngar mờ pa ngan. Broă sơnam drơng broă tàm mpồl ling bơh ling geh griăt dê là tơngume geh uă cau ala mat tă pơgồp jơnau đơs, cribơyai tàm mpồl.

Củ tịc Quôk hội ồng Trần Thanh Mẫn đơs là, broă tơnguh sơnam ơm rlô lơh broă gơwèt mờ ling geh griăt ling klàng dê là di pal. Mơya, tàm do là kwơ màng tơnguh gĭt nđờ sơnam nàng tơn jŏ tŭ tơngai lơh broă gơwèt mờ ling geh griăt ling klàng dê ai gơ in di pal. Tài bơh lơh broă tàm mpồl ling phàu crong, ngan là mpồl ling klàng là krơi is, den broă do Mpồl cih jơnau kung bè là anih lơh broă sền sơwì neh kơrhia ngan mờ kơlôi sơnơng nàng cih ngan ngồn tai cau geh ơm rlô lài mờ sơnam lơh broă nàng gàr niam bơta di pal.