Jat jơnau đơs bơh Cíñ phủ dê, kờp dŭ lài rề dia Dà lơgar geh ơn tàm bơta gam kal ke tŭ lơh sa- mpồl bơtiàn tàm lơgar mờ bơdìh lơgar gam geh uă bơta gơ tam gơl, kờp bal broă dong kờl rề dia rê wơl mờ bơta bè ờs, drà kă bro ù tiah hìu đam ờ hềt geh tềl tơngŏ bơtàu tơnguh wơl loh làng, tŭ tơngai lơh jat bơcri priă bal, ai wơl priă bơcri dà lơgar tàm tơngai pa do kung gam lơyài... gơ lam tus kal ke tŭ lơh jat broă lơh kờp dŭ lài rề priă dia. Tàm tŭ hơ̆, bơta kơn jơ̆ tă ngui dờng, geh bal: tă ngui ai ală broă lơh bơt bơtàu kwơ màng, ală kơnòl broă kwơ màng jal mhar bè cíñ trị, lơh broă mờ lơgar ndai, sền gàr Dà lơgar, lơngăp lơngai, gàr niam lơngăp lơngai mpồl bơtiàn...

Bè kờp dŭ lài tă ngui kes priă Dà lơgar, broă lơh tam pà kes priă Dà lơgar nam 2025, Cíñ phủ kờp dŭ ai gàr niam ală jơnau pal jat: ai lài tơnguh tă ngui bơcri priă bơtàu tơnguh tàm khà niam ngan; rơndăp, ai tă tơm dồs tơl làm, di tŭ tơngai pơrgon; kờp dŭ lài tă ngui rcang lài, ơn prăp dà lơgar tàm khà di pal nàng bơsong ală kơnòl broă jal mhar gơlik geh.