Mblàng yal jơnau kơnhoàl ù tiah do yal tơnggĭt uă ngan jơnau kwơmàng dơ̆ lòt còp bơh Thủ tướng ồng Phạm Minh Chính dê tus 03 lơgar tàm kơnhoàl ù tiah do, tàm hơ̆ đơs UAE, Saudi Arabia mờ Qatar là ală lơgar lơh broă bal kwơmàng, jŏ jòng, tơl làm bơh lơgar Việt Nam dê tàm uă broă. Mblàng yal jơnau UAE yal uă ngan ală cồng nha lơh geh tàm dơ̆ lòt còp, is ồn là broă Việt Nam mờ UAE dồ nùs bal tơngguh gơnoar broă gĭt gơ̆p 2 gah gơguh tus Lơh broă bal Tơl làm, Kĭ Bơta kĭ hơ bal Lơh broă bal lơh sa tơl làm đah Việt Nam mờ UAE.

Tàm lơgar Saudi Arabia, mblàng yal jơnau yal bè broă ai tơl bơta gĭt gơ̆p đah 2 lơgar in; pal sền ngăc là dơ̆ pơrjum bơyai đah Thủ tướng ồng Phạm Minh Chính mờ Thủ tướng lơgar Bơtau Saudi Arabia ồng Mohammed Bin Salman. Tàm lơgar Qatar, sră ƀăo yal jơnau bè ală dơ̆ tìp măt kâp dờng, pơrjum bơyai đah Thủ tướng ồng Phạm Minh Chính mờ Bơtau, Thủ tướng mờ Củ tịc Quôk hội lơgar Qatar.