Tàm dơ̆ tìp, Thủ tướng Cíñ phủ ồng Phạm Minh Chính đơs nền, bơhiàn tam klăc, đềt mềr bal, dong kờl gơ̆p bal đah 2 lơgar Việt Nam mờ Campuchia là jơtài kas màng, là dùl tàm ală jơnau kwơmàng gơ wèt mờ broă lơh tam dră dong klàs jơi bơtiàn lài do mờ broă lơh bơ̆t bơtàu bơtàu tơngguh bơh tơl lơgar dê ngai do. Bàr nă Thủ tướng chờ hờp tềng đăp ală broă bơtàu tơngguh bơh gĭt gơ̆p ơm rềp bal niam bơnĕ dê, lơh bơyô ờs mờng bơh yau, lơh broă bal tơl làm, kơ̆ kơl jăp jŏ jòng đah 2 lơgar tàm tơngai do, jờng rơ broă bàr lơgar lơh sùm ală dơ̆ lòt còp mờ tìp măt kwang bàng kâp dờng, ală kâp. Bàr nă Thủ tướng đơs sùm jơnau gơtha, bơta kwơ kah yau bơh gĭt gơ̆p Việt Nam- Campuchia- Lào dê; đơs nền pơn jăt tai gàr sùm broă lơh broă bal đah pe lơgar tàm jơh ală gah, tài bơta kwơ bơh làng bol pe lơgar dê, tài ring lơngai, kơ̆ kơl jăp mờ bơtàu tơngguh tàm kơnhoàl ù tiah do mờ tàm dunia.

Kung tàm dơ̆ tus bal Pơrjum sơl, Thủ tướng Cíñ phủ ồng Phạm Minh Chính neh wă ồng Lam Thiên Lập, Củ tịc Tiah Ătbồ is kòn cau Choang càr Quảng Tây, lơgar Lo dê mờ wă Củ tịc Anih Priă jền bơtàu tơngguh câu Á, tìp Thủ tướng lơgar Lào.