Dơ̆ lòt còp bơh Thủ tướng dê neh geh cồng nha niam bơnĕ, lơh geh jơnau kờñ geh ai mờ uă cồng nha kwơ màng, mut lơh ngan ngồn, pơgồp bơnah bơt bơtàu mờ sơlơ tơnguh tai bơta gĭt gơ̆p lơh bơyô bal, lơh broă bal mờ 3 lơgar. Kwang đơng lam bồ ală lơgar lời bơta wă rò niam ngan, sền dờng màng lời ai kwang đơng lam bồ kấp dờng Dà lơgar he dê pà gŏ jơh bal 3 lơgar ndrờm sền dờng màng bơta gĭt gơ̆p mờ lơgar Việt Nam tàm broă lơh “Wèt tus tiah đah mat tơngai lik” mơkung sền Việt Nam là lơgar lơh broă bal kwơ màng lam lài tàm tiah đah Jum mat tơngai lik câu Á.

Ală cồng nha lơh geh tàm dơ̆ lòt còp bơh Thủ tướng Cíñ phủ dê rơ̆p geh lam lơh geh cồng nha, pơgồp bơnah ai bơta gĭt gơ̆p lơh bơyô bal mờ lơh broă bal tơl làm đah Việt Nam mờ UAE, Saudi Arabia mờ Qatar ngai sơlơ bơtàu tơnguh tơl làm, lơh broă jrô ơnàng làm uă, cèng wơl bơta kwơ geh ngan ai làng bol, mpồl lơh sa kă bro 2 gah in, pơgồp bơnah tàm ring lơngai, kơ̆ kơl jăp mờ bơtàu tnguh bơh tiah do mờ tàm dunia kung bè pơgồp bơnah ai lơgar Việt Nam kơ̆ kơl jăp cơnđoà mut tàm rài pa, rài brồ să bơh jơi bơtiàn dê.