Tàm broă lơh, Mpồl bơyai lơh neh jào phan pơn jờng 190 mpồl lơh sa kă bro jăk ngan lơh geh phan geh măt kă bro phan dà lơgar Việt Nam nam 2024. Đơs tàm broă lơh do, Thủ tướng Cíñ phủ ồng Phạm Minh Chính sồr, ală mpồl lơh sa kă bro geh măt kă bro phan dà lơgar đơs is mờ mpồl bơtiàn mpồl lơh sa kă bro, cau lơh sa kă bro Việt Nam đơs bal pal pơn jăt tai ngui ală bơta kwơ tờm ngan: Niam – Tam gơl pa – Bơceh lơh – Bơta pràn jăk lam lài.

Tàm tơngai tus Thủ tướng sồr ală mpồl lơh sa kă bro pal tơrgùm lơh sùm bơh bơta geh niam broă gơguh lơh sa tơlir mờ bơtàu tơnguh kơl jăp; lam lài tàm broă lơh jăt broă lơh tơlir niam; ngui bơta pràn bơh bơngă pin dờn măt kă bro phan dà lơgar dê, mờ pơgồp bal mờ bơ̆t bơtàu măt kă bro phan geh lơh mờ măt kă bro phan dà lơgar Việt Nam; tus bal jòi, pờ ơnàng drà kă bro tàm ală lơgar mờ tus bal jrô ơnàng rơlao tàm ală mpồl phan kă bro gùt plai ù.