Thủ tướng Cíñ phủ gờm chờ lơgar Malaysia dờp gơnoar broă Củ tịc Asean nam 2025; đơs nền Việt Nam rơ̆p tă pơgồp jơh nùs nàng kờñ gàr niam cồng nha bơh Nam Asean 2025.

Ƀộ trưởng Ƀộ Lơh sa lơgar Malaysia tơngŏ bơta kờñ ngan khà gơguh lơh sa  pràn kơl dang bơh lơgar Việt Nam tàm 10 nam do. Ồng đơs là do là tŭ tơngai di pal nàng lơgar Malaysia mờ Việt Nam sơlơ tơnguh tai lơh broă bal, ngan là tàm gah pa bè tam gơl năng lượng, lơh gơlik phan điện tử; mut bal tàm ală anih lơh gơlik phan mờ tăc. Thủ tướng Cíñ phủ ồng Phạm Minh Chính mờ Ƀộ trưởng Ƀộ Lơh sa lơgar Malaysia kung cribơyai bè ală broă tàm tiah do mờ ală lơgar sền gròi bal, tàm hơ̆ geh broă dà lềng đah mat tơngai lik; ring bal sơlơ tơnguh tai tàm pơgồp bal, kờñ bal mờ gơ̆p tàm ală anih cribơyai ală lơgar.