Mờ nùs nhơm jơh nùs ki ngàm mờ gĭt ưn ngài ờ gĭt lơh, Thủ tướng ồng Phạm Minh Chính bal mờ mpồl kwang bàng neh pơdơng bơkào mờ lời dồ ết tŭ kun bồ kah kơlôi, kah ưn ngài dà kơl dờng bơh Củ tịc Hồ Chí Minh dê gơwèt mờ broă lơh kăc màng dờng màng bơh Đảng mờ jơi bơtiàn.

Thủ tướng ồng Phạm Minh Chính neh cih tàm sră lời kir tàm Tiah tềl lời wơl đơs nền : “Do là tiah tềl lời wơl kah yau dờng màng, cơng tàng ai bơhiàn tam klăc bal, rềp mềr bal bơh kăc màng 2 Đảng, 2 Dà lơgar Việt Nam mờ Lo dê. Cíñ phủ Việt Nam jơh nùs ưn ngài Đảng ƀộ, gơnoar atbồ mờ làng bol càr Vân Nam neh sền dờng màng, sền gàr Tiah tềl lời wơl kah yau. Do rơ̆p sùm là “Tiah kwơ màng” nàng làng bol, ngan là rơnàng kơnòm să 2 lơgar dê bơsram, bơh hơ̆ tă pơgồp jơh nùs ai broă lơh bơt bơtàu bơta lơh bơyô bal  “là cau mpồl bal mờ là oh mi bal” Việt Nam mờ Lo sùm sùm tơlir niam, sùm sùm kơ̆ kơl jăp.