Qatar là tiah lòt còp lồi dŭt tàm dơ̆ lòt lơh broă 3 lơgar Trung Đông bơh Thủ tướng Cíñ phủ ồng Phạm Minh Chính mờ pơ ùr bal mờ Mpồl kwang bàng kấp dờng Việt Nam dê. Do là dơ̆ lòt còp ngan ngồn sơnrờp bơh Thủ tướng Cíñ phủ Việt Nam dê tus lơgar Qatar tơnơ̆ 15 nam, geh bơyai lơh tàm tơngai bơta gĭt gơ̆p đah 2 lơgar gam tàm bơta bơtàu tơnguh niam bơnĕ mờ uă cồng nha geh mut lơh ngan ngồn. Tŭ do, Qatar là lơgar lơh broă bal lơh sa, bơcri priă geh bơta ƀuơn, bơta pràn dờng gơwèt mờ lơgar Việt Nam.

Mờ ală bơta gĭt gơ̆p niam bơnĕ rlau 30 nam do, dơ̆ lòt còp ngan ngồn Dà lơgar Qatar bơh Thủ tướng Cíñ phủ ồng Phạm Minh Chính dơ̆ do rơ̆p pơgồp bơnah bơt bơtàu bơta pin dờn cíñ trị đah 2 dà lơgar; lơh geh bơta gơn kơnờm, pờ geh tơngai lơh broă bal pa tàm bơta gĭt gơ̆p đah Việt Nam mờ Qatar; is ồn tàm broă gơ hòi gơ jà bơcri priă bơh lơgar Qatar mut tàm lơgar Việt Nam mờ lơh geh bơtàu tơnguh mhar ai phan bơna, drơng broă bơh lơgar Việt Nam tus bal tàm drà kă bro lơgar Qatar mờ ală tiah dê.