Do là broă lơh sơn rờp geh lơh dờng jơh gùt lơgar, dờng ngan rlau jơh bè Halal dê mờ bơta tus bal bơh uă kwang đơng lam bồ ală Ƀộ, mpồl, gah broă, càr, ƀòn dờng bal mờ 600 nă cau ala mat tus bal pơrjum tơn mờ pờ tơlik tàm internet. Đơs tàm pơrjum, Thủ tướng ồng Phạm Minh Chính neh đơs bơta ƀuơn, bơta pràn bơh Việt Nam dê tàm broă bơtàu tơnguh gah Halal tàm lơgar Việt Nam.

Thủ tướng đơs nền, lơh broă bal gah Halal là dùl tàm ală broă tờm pa tàm lơh broă bal lơh sa ală lơgar. Thủ tướng hòi jà ală mpồl lơh sa kă bro, ngan là ală mpồl lơh sa kă bro, cau lơh sa kă bro tàm lơgar ndai pơn jat tai tus bơcri priă lơh broă bal tàm lơgar Việt Nam tàm nùs nhơm “3 bal”; iăt kơno bal mờ gĭt wă bal ală bơta kal ke, bơta lòng; tam pà bal broă rơndăp lơh mờ lơh broă tàm broă lơh bơtàu tơnguh gah Halal kung bè là ƀòn brê bơnơm Halal, lơh bal, dờp geh bơta kwơ bal, lơh cồng nha bal mờ bơtàu tơnguh bal.