Jăt broă rơndăp lơh, Thủ tướng Cíñ phủ ồng Phạm Minh Chính rơ̆p tus bal mờ geh jơnau cih đơs kwơmàng tàm 03 pơrjum uă gah geh Pơrjum Kwang bàng kâp dờng GMS dơ̆ 08, Pơrjum Kwang bàng kâp dờng ACMECS dơ̆ 10, Pơrjum Kwang bàng kâp dờng Campuchia- Lào- Myanmar- Việt Nam (CMLV) dơ̆ 11; lơh ală dơ̆ tìp 2 gah bal mờ bàr pe lơgar lơh broă bal kwơmàng; tus bal ală broă lơh yal tơnggĭt lòt nhơl lơgar Việt Nam dê, tìp măt cribơyai mờ mpồl lơh sa kă bro; còp bàr pe anih lơh sa, logistic tàm Côn Minh mờ Trùng Khánh, lơgar Lo.

Tàm ală ngai lơh broă, Thủ tướng Cíñ phủ digơlan tìp măt uă cau lơh broă bal kwơmàng, geh tơl pràn lơh broă bal mờ Việt Nam tàm jơh ală kâp. Tàm hơ̆ geh ală cau lơh broă bal bơtàu tơngguh, ală mpồl priă jền uă gah, ală anih lơh broă kâp dà lơgar, ƀộ, gah broă, ƀòn lơgar, mpồl lơh sa kă bro lơgar Lo dê.