Thủ tướng ồng Phạm Minh Chính đơs sùm, càr Vân Nam geh ù tiah kwơ màng ngan tàm ală bơta git gơ̆p đah lơgar Việt Nam mờ lơgar Lo dê. Lơgar Việt Nam mờ càr Vân Nam geh uă bơta geh, bơta pràn nàng bơtàu tơnguh lơh broă bal, geh uă bơta pràn tàm bơtơl bal, mờ kơ̆p kờñ, broă kờñ bơh jơh bàr gah dê tàm broă lơh jăt jơnau git wă bal kấp dờng mờ ală Jơnau yal bơr bal, tơnguh broă tìp bal mờ ală càr, ƀòn dờng tàm lơgar Việt Nam.

Thủ tướng kung kơ̆p kờñ bàr gah pơgồp bal nền nòn tàm broă atbồ, sền gàr tiah nhàr lơgar jăt 3 pang sră bè nhàr dà lơgar tàm ù gờl mờ ală jơnau ring bal gơrềng bal, pơgồp bal bơyai lơh niam broă tơnkah 25 nam kĭ hơ bal Tiah nhàr lơgar tàm ù gờl mờ 15 nam kĭ 03 pang sră adăt boh lam bè nhàr lơgar tàm ù gơl tàm nam 2024.