Tàm dơ̆ tìp, làng bol mpồl bơtiàn cau Việt Nam tàm lơgar Qatar tơlik nùs nhơm brơn brài tềng đăp bơta bơtàu tơngguh mhar ngan bơh dà lơgar dê, bơta sền gròi bơh kwang đơng lam bồ Đảng, Dà lơgar dê gơ wèt mờ mpồl bơtiàn cau Việt Nam tàm lơgar bơdìh in đơs bal mờ tàm lơgar Qatar in đơs is. Thủ tướng ồng Phạm Minh Chính pà gĭt, mpồl bơtiàn cau Việt Nam tàm lơgar bơdìh geh pơgăp 6 tơlak nă cau, tàm pơgăp 130 dà lơgar. Thủ tướng kơ̆p kờñ làng bol pơn jăt tai tam klăc, lơh jăt adăt boh lam tàm lơgar he ơm kis; tơryăng tơryồng lơh broă, bơsram sră, lơh broă dà lơgar; sùm sền gàr, ngui niam ală bơta kwơ niam chài jơi bơtiàn dê.

Thủ tướng Cíñ phủ đơs nền, Đảng, Dà lơgar sùm sền gàr gơnoar, bơta kwơ dipal mờ adăt boh lam dipal ngan bơh làng bol dê tàm lơgar bơdìh, sồr Anih lơh broă ala măt sùm sền gròi, sơlơ tơngguh tai bơta tam klăc đềt mềr, nàng Anih lơh broă ala măt mờ mpồl bơtiàn gơgơs là ală anih kơldìng pin dờn tŭ làng bol tìp kal ke.