Tổng Ƀí thư, Củ tịc lơgar Lào Thongloun Sisoulith đơs sùm broă ồng Lương Cường geh pồ guh at gơnoar broă Củ tịc lơgar tơlik nùs nhơm pin dờn mờ đơs niam bơh Đảng, Dà lơgar bal mờ Làng bol lơgar Việt Nam dê; pin dờn ồng Lương Cường bal mờ ală kwang đơng lam bồ Đảng, Dà lơgar rơ̆p đơng lam dà lơgar mờ Làng bol lơgar Việt Nam pơn jăt tai geh ală cồng nha pa, dờng màng rơlao tai tàm broă tam gơl pa.

Tổng Ƀí thư, Củ tịc lơgar Lào kơ̆p kờñ lơh broă bal nền nòn mờ Củ tịc lơgar ồng Lương Cường nàng pơn jăt tai pơgồp bal tàm broă bơ̆t bơtàu bơta git gơ̆p lơh bơyô bal, tam klăc bal kwơ màng mờ lơh broă bal tơl ală bơta, ờs mờng niam bơnĕ đah Đảng, Dà lơgar mờ Làng bol bàr lơgar ngai sơlơ bơtàu tơnguh mờ geh cồng nha, cèng geh bơta kwơ mùl màl ai làng bol in kung bè tài bơta ring lơngai, kơ̆ kơl jăp mờ lơh broă bal tài bơta bơtàu tơnguh tàm tiah do mờ tàm dunia.