Jàu jơnau lơh nền mờ jàu kơnòl broă ai ală Kwang ătbồ Anih lơh broă ala măt in, Tổng Ƀí thư, Củ tịc lơgar đơs nền, ală oh mi geh jàu kơnòl broă dơ̆ do ndrờm là cau cribơyai broă mờ lơgar ndai geh broă lơh ờs mờng jak chài, geh uă mờng chài tàm broă lơh lơh broă mờ lơgar ndai.

Bulah bơta tàm dunia, tàm tiah do kal ke uă, bơta lòng mơya ală Kwang ătbồ Anih lơh broă ala măt geh pồ đơs nền bơta ƀươn ƀoài ngan rlau jơh hơ̆ ngan là dà lơgar gam mŭt tàm rài pa, rài brồ să bơh jơi bơtiàn dê; tŭ dờp kơnòl broă pa cèng tàm nùs bơta pơñiờ să mờ bơta pin dờn bơtàu tơngguh bơh dà lơgar dê, đơs nền rơ̆p sùm kơ̆ dơn jơnau kờñ ơn bơta kwơ dà lơgar, jơi bơtiàn dê hơđang rlau jơh; tàm pơgồp bal pe broă tờm lơh broă mờ lơgar ndai Đảng, Dà lơgar mờ Làng bol; tàm pơgồp bal cribơyai broă mờ lơgar ndai bal mờ sền gàr dà lơgar, lơngăp lơngai; bơ̆t bơtàu anih lơh broă ala măt kơnhăp pràn, khin cha, nàng tơl nă kwang bàng, ngan là kwang ătbồ anih lơh broă ala măt là ala măt dipal ai jơi bơtiàn, Đảng, Dà lơgar, Làng bol Việt Nam in.