Gal ngan cau tĕ khà kơnhoàl Văn Giang, càr Hưng Yên tơlik nùs nhơm đơs niam ngan broă lơh rơcăng lài dră wơl sa kwề sa kwà mờ bơta ờ niam bơh Đảng, Dà lơgar dê tàm ală nam do. Broă lơh rơcăng lài dră wơl sa kwề sa kwà mờ bơta ờ niam pơgồp bơnah kơryan, lơh kơ̆ kơl jăp mờ sơlơ tơngguh tai bơta pin dờn bơh làng bol dê gơ wèt mờ Đảng, Dà lơgar.

Tàm dơ̆ tìp măt, Tổng Ƀí thư, Củ tịc lơgar ồng Tô Lâm pà gĭt rơ̆p tơrgùm sồr lơh bơsong jơh ală broă gam ờ pràn, ală broă gam lơh nggùl tơmơi ngan là sồr lơh bơsong jơh ală bơta ờ dipal, bơta kal ke, gơkòl tàm ală broă bơsong ală dơ̆ broă sa kwề sa kwà bè jăt sền nền jơtài, lơh nền gĭt jơtài, dong kờl sền gàr adăt boh lam jòi kŭp, kŭp gròng rê cau dô pồn, ai jơh wơl jơtài. Dơ̆ bàr tai là rơ̆p pơn jăt tai sồr lơh pràn lơh mờ lơh sir ndrờm bal adăt boh lam nàng rơcăng lài dră wơl sa kwề sa kwà, bơta ờ niam. Dơ̆ pe là rơ̆p tơrgùm sồr lơh pràn ndrờm bal geh cồng nha rlau tai, broă lơh sền swì, jăt sền, lùp sền mờ sền swì tă ai priă jền.