Tổng Ƀí thư, Củ tịc lơgar đơs nền, ală anih lơh broă cíñ trị tàm lơgar geh gơnoar broă mờ broă lơh is ồn kwơmàng, là mpồl cau tờm, dòn song kơ̆ dơn nàng sền gàr Dà lơgar, sền gàr bơta rơndăp tăp sèng, adăt boh lam dà lơgar dê, sền gàr Làng bol, sền gàr Đảng, Dà lơgar mờ rài ătbồ. Tàm tơngai do, ală anih lơh broă cíñ trị tàm lơgar neh geh uă ngan pơnđơl pràn, lơh ngan, jơh nùs lơh ngan uă, lơh geh uă cồng nha kwơmàng ngan, lời wơl uă tềl kah pơnrơ ngan.

Đơs wih đơs wơl bè kơnòl broă tàm tơngai tus, Tổng Ƀí thư, Củ tịc lơgar sồr ală anih lơh broă cíñ trị tàm lơgar pal gĭt wă ngan adăt boh lam, lơh kơnòl broă broă lơh ờs mờng pal jak chài ngan mờ lơh jăt di gơnoar broă, kơnòl broă bơh he dê; yal lài di broă gơlik geh; di tŭ tă pơgồp jơnau đơs ai Đảng, Dà lơgar in ală gùng dà, broă dong kờl, broă lơh bơsong geh bơta jŏ jòng tàm sền gàr Dà lơgar, sền gàr niam lơngăp lơngai dà lơgar, rơndăp tăp sèng, niam lơngăp lơngai jơh gùt mpồl bơtiàn, bơ̆t bơtàu Đảng mờ ală anih lơh broă cíñ trị sàng goh, pràn kơnhăp, drơng niam ngan rlau jơh ai kơnòl broă bơtàu tơngguh lơh sa- mpồl bơtiàn dà lơgar dê in.