Tàm pơrjum ală cau ala mat neh tơrgùm tă pơgồp jơnau đơs mờ pơgồp jơnau đơs tàm jơnau yal cíñ trị bơh Mpồl duh broă Đảng Dà lơgar khoă 13, jơnau yal sền wơl 5 nam lơh jat broă lơh kwơ màng bơtàu tơnguh lơh sa- mpồl bơtiàn 10 nam tơngai bơh nam 2021-2030, gùng dà broă lơh kơnòl broă bơtàu tơnguh lơh sa- mpồl bơtiàn 5 nam tơngai bơh nam 2026- 2030, yal jơnau tơn jơh broă lơh bơt bơtàu Đảng mờ lơh jat Bơta bơh Đảng dê mờ yal tơn jơh bàr pe jơnau tàm pơ àr mờ bơta geh ngan bơh broă lơh tam gơl pa dà lơgar jat gùng dà pơlam xã hội củ nghĩa tàm 40 nam do.

Đơs tàm pơrjum, Tổng Ƀí thư ồng Tô Lâm đơs loh, ală sră nggal yal tàm Pơrjum dờng Đảng dơ̆ 14 pal là phan bơna là broă lơh tơrgùm bal bồ tơngoh jak chài bơh mpồl cau gùt Đảng, gùt làng bol mờ gùt ling klàng dê. Den tàng pal lơh jat làng bol lơh tờm bồ tơngoh jak chài mpồl cau, pal geh bơta tus bal tă pơgồp bơh ală anih lơh broă, mpồl, gah broă Dà lơgar, ală tiah, ală mpồl cíñ trị - mpồl bơtiàn mờ làng bol, is ồn là bơta tus bal tă pơgồp bơh ală kwang bàng đơng lam Đảng, Dà lơgar lài do dê.