Di tơngkah kir sơnrai Ngai adăt boh lam Việt Nam 09/11/2024, drim ngai 07/11, tàm Hà Nội, Tổng Ƀí thư ồng Tô Lâm neh tus còp mờ đơng lam dơ̆ lơh broă mờ Mpồl Duh broă Đảng Ƀộ Sền gàr adăt boh lam bè cồng nha đơng lam, sồr lơh jăt kơnòl broă bơh Ƀộ dê bơh bồ tơngai lơh broă tus tŭ do mờ broă rơndăp lơh jơh tơngai lơh broă Pơrjum dờng dơ̆ XIII bơh Đảng dê. Tàm dơ̆ lơh broă, Tổng Ƀí thư ồng Tô Lâm ala măt kwang đơng lam bồ Đảng, Dà lơgar pơyua jơnau gờm chờ niam bơnĕ ngan rlau jơh tus jơh ală kwang bàng, kông cưk viên cưk, cau lơh broă bơh Ƀộ Sền gàr adăt boh lam mờ Gah sền gàr adăt boh lam tàm gùt lơgar dê.

Nàng dà lơgar kơnhăp cơnđoà guh mŭt tàm rài pa, gờñ lơh gơs cồng nha ală jơnau kờñ broă rơndăp lơh mờ Đảng dê neh sồr, Tổng Ƀí thư ồng Tô Lâm sồr, tơngai tus Ƀộ Sền gàr adăt boh lam đơs bal mờ jơh gùt Gah sền gàr adăt boh lam tơrgùm tam gơl pa pràn kơldang broă lơh lơh adăt boh lam jăt gơnoar broă, kơnòl broă geh jàu, wèt tus jơnau kờñ wèt tus bơh ală bơta adăt dê, là: sền gàr gơnoar mờ bơta kwơ dipal mờ adăt boh lam bơh nă să is mờ mpồl cau dê; gàr sùm mờ gàr niam rơndăp tăp sèng niam lơngăp lơngai jơh gùt mpồl bơtiàn; ai tơl bơta bơtàu tơngguh lơh sa mpồl bơtiàn in; gàr niam ring bal mờ ndrờm bal mpồl bơtiàn; gơdờp mờ bơta bơtàu tơngguh bơh mpồl bơtiàn dê; song dơ pă loh làng mờ ƀươn gĭt; gơcèng bơta dồ ròt mờ kơ̆ kơl jăp; pơgồp bơnah bơ̆t bơtàu mpồl bơtiàn gơguh jak, bơnĕ bơnài, bơtàu tơngguh.