Tàm tơngu me ală jơnau pơgồp bal jơh nùs, geh kơnòl bơh ală cau ala măt tus bal dơ̆ lơh broă, đơs pơn dŭt pơrjum, Tổng Ƀí thư ồng Tô Lâm chờ gờm ală broă lơh ngan, lơh pràn, lơh geh ală cồng nha pơnrơ ngan bơh Mpồl Mblàng yal mờ Bơto bơtê Dà lơgar, gah mblàng yal mờ bơto bơtê bơh bồ tơngai lơh broă Pơrjum dờng dơ̆ XIII tus tŭ do.

Bè kơnòl tờm tàm tơngai tus, Tổng Ƀí thư ồng Tô Lâm sồr, Mpồl mblàng yal mờ bơto bơtê Dà lơgar, gah mblàng yal mờ bơto bơtê pal tơrgùm lơh jăk rơlao tai broă pơlam bơ̆t bơtàu Đảng bè cíñ trị, bồ tơngoh, nùs nhơm, sền do là kơnòl tờm, lơh sùm. Pơn jăt tai tam gơl pa pràn kơl dang, tơnguh uă bơta niam, geh cồng nha broă pơlam, bơta tờm là ală broă geh bơta kwơ, geh nùs nhơm lam lài, tơrgùm bal, jŏ jòng, kơl jăp tàm gah tuyên giáo. Pơlam jơnau đơng lam bơto sồr bơyai lơh niam ală ngai tơnkah, broă lơh kwơ màng dà lơgar dê. Yal jơnau, cri bơyai pơgồp jơnau đơs bơh kwang bàng, đảng viên mờ Làng bol tàm pang sră Pơrjum dờng.