Ală jơnau cih tă pơgồp bal tàm dơ̆ tìp mat cribơyai sền wơl, tàm 80 nam bơt bơtàu, tam lơh, pha lin mờ bơtàu tơnguh, Tổng kụk Cíñ trị neh sùm ntào dờng, dờng pràn, lơh sir jak ngan gơnoar broă, kơnòl broă geh jàu; sồr lơh di ngan, di tŭ, gơtùi lơh broă bơt bơtàu ală anih lơh broă cíñ trị jơh gùt ling klàng kơ̆ kơl jăp, pràn kơl dang, tơl làm, pơgồp bơnah tơnguh uă gơtùi lơh broă, geh cồng nha đơng lam bơh Đảng dê gơwèt mờ Mpồl ling klàng.

Ală jơnau cih tă pơgồp bal kung sơñio, tàm tơngai tŭ do, kơnòl broă sền gàr Dà lơgar mờ bơt bơtàu Mpồl Ling klàng geh ai jơnau sồr ngai sơlơ uă gơwèt mờ Tổng kụk Cíñ trị mờ anih lơh broă cíñ trị ală kấp tàm jơh gùt mpồl ling klàng dê. Đòm jat niam bơhiàn “Jơh nùs dòn song - nùs nhơm kơ̆ dơn”; lơh krơh niam- pơn rơ jak”, Tổng kụk Cíñ trị pơn jat tai đòm jat niam nùs nhơm jơh nùs, rcang lài tă pơgồp jơnau đơs, lam lơh geh cồng nha ală Jơnau lơh nền tàm pơrjum, broă lơh kwơ màng, Jơnau sồr, bơto pơlam bè lơh jat kơnòl broă sền gàr Dà lơgar mờ bơt bơtàu Mpồl ling klàng tàm bơta pa.