Kwang lam bồ dờng ồng Đỗ Tiến Sỹ bal mờ ală rơnàng cau lơh ƀău neh kah wơl gơl gùng pơn yờ să, đơs nền gơnoar broă lam lài bơh VOV dê tàm broă lơh bơtàu tơnguh sră ƀău kac màng. 

Ồng Đỗ Tiến Sỹ đơs ngan: Tŭ gam kis, Củ tịc Hồ Chí Minh neh geh tŭ 6 dơ̆ lòt còp Anih jơnau đơs Việt Nam, lời wơl uă jơnau nting tơngkah niam ngan. Kah jơnau bơto Wa Hồ dê, mờr 80 nam do, VOV sùm gàr kơ̆ gơnoar  broă là cau lam lài tàm gah bồ tơngoh – niam chài, lòt bal mờ jơi bơtiàn jat tơl tŭ tơngai kah yau. Mờ kơnòl lơh gơ rề bơta kờñ gơboh, tàm bơrkuăt bal mpồl bơtiàn cau Việt Nam tàm lơgar mờ lơgar ndai, VOV đơs nền gơnoar broă là anih jơnau đơs tờm ngan, pơgồp bơnah bơt bơtàu rài sră ƀău pa, niam chài, tă pơgồp jơnau đơs pràn ngan tàm broă lơh sền gàr mờ bơtàu tơnguh dà lơgar.