Tổng Ƀí thư ồng Tô Lâm mờ Kwang ătbồ lơgar Mỹ ồng Donald Trump hòi điện thoại tàm bơyai
Thứ năm, 15:31, 03/07/2025 Cau mblàng: Lơ Mu K'Yến/ VOV Cau mblàng: Lơ Mu K'Yến/ VOV
VOV4.K'Ho- Mang ngai 02/07, Tổng Ƀí thư ồng Tô Lâm neh geh dơ̆ hòi điện thoại tàm bơyai mờ Kwang ătbồ lơgar Mỹ ồng Donald Trump bè gĭt gơ̆p đah Việt Nam mờ Mỹ mờ tàm bơyai bè dia tàm pơndrờm đah bàr lơgar.
Video Player is loading.
Current Time 0:00
/
Duration 0:00
Loaded: 0%
Progress: 0%
Stream Type LIVE
Remaining Time -0:00
 
1x

Tàm dơ̆ hòi điện thoại tàm bơyai, bàr nă kwang đơng lam tơlik nùs nhơm chờ hờp tềng đăp bơta bơtàu tơngguh pràn kơldang mờ niam bơnĕ bơh gĭt gơ̆p 2 gah dê. Kwang ătbồ lơgar Mỹ ồng Donald Trump đơs niam ngan broă lơgar Việt Nam hơ pà gơnoar tăc tàm drà dong kờl ai phan bơna kă bro lơgar Mỹ dê in, tàm hơ̆ geh rơndeh ô tô phơng khối dờng. Ồng đơs nền lơgar Mỹ rơ̆p koh tơrmù uă ngan dia tàm pơndrờm ai uă phan bơna tăc mờ lơgar ndai bơh lơgar Việt Nam dê mờ rơ̆p pơn jăt tai lơh broă bal mờ lơgar Việt Nam tàm ală bơsong ală gơkòl gơrềng tus gĭt gơ̆p kă bro phan đah 2 gah, ngan là tàm ală broă mờ 2 đah ai lài.

Tổng Ƀí thư ồng Tô Lâm sồr đah lơgar Mỹ gơñ dờp lơgar Việt Nam là lơh sa drà kă bro mờ sơrbì ờ huan ai tăc mờ lơgar ndai gơ wèt mờ bàr pe bơta phan măy mŏk pa. Tổng Ƀí thư ồng Tô Lâm mờ Kwang ătbồ lơgar Mỹ ồng Donald Trump kung neh cribơyai bàr pe gùng dà, broă lơh dờng chồl tơngguh gĭt gơ̆p Tam klăc lơh broă bal jŏ jòng tơl làm tàm ală nam tus.

Cau mblàng: Lơ Mu K'Yến/ VOV

Viết bình luận

TIN CÙNG CHUYÊN MỤC