Di tơnkah 100 nam Ngai sră ƀăo Kăc màng Việt Nam (21/06), mho òr (11/06), càr Dăk Lăk bơyai lơh Jào khà jờng Sră ƀăo càr Dăk Lăk nam 2024 mờ bơyai lơh tơn jơh 5 nam broă bơyai lơh khà jơng do. Khà jờng Sră ƀăo càr Dăk Lăk geh bơyai lơh bơh nam 2021, jài jăt tơngai pah nam ai ală jơnau cih sră ƀăo jăk ngan in bơh nam lài mờ hơ̆.

Bơh 5 nam bơyai lơh, neh geh mờr 600 jơnau cih bơh ală cau cih sră ƀăo tàm gùt lơgar tus bal. Mìng is nam do, geh 96 jơnau cih geh mŭt tàm dar pơrlòng dŭt ndơl. Tàm broă jào khà, Mpồl duh broă Jào khà jờng Sră ƀăo càr Dăk Lăk jào khà ai 49 jơnau cih jăk ngan in. Anih duh broă làng bol càr Dăk Lăk kung jờng rơ 1 mpồl mờ 7 nă cau geh cồng nha jăk ngan in tàm broă bơyai lơh Jào khà. VOV Tây Nguyên pơnyờ să geh 7 khà jờng gah jơnau đơs, tàm hơ̆ geh 1 khà A, 1 khà B.