Tŭ do gùt càr geh di pơgăp 10 rơbô mpồl lơh sa kă bro dềt mờ di mơ, mơya bơnah uă lơh broă dềt, bơta pràn ờ uă, tìp uă kal ke bè priă, măi mok pa mờ drà kă bro.

Jơnau rơcang cih Jơnau lơh nền tàm pơrjum kờñ bơsong bơta gơkòl, lơh geh bơta pràn, mùl màl jơh jơnau kờñ bơtàu tơnguh lơh sa cau dùl nă să lơh is gơs bơta pràn kwơ màng bơh lơh sa dê, mờ lơh jăt Jơnau lơh nền tàm pơrjum sồ 68 bơh Ƀộ Cíñ trị dê bè bơtàu tơnguh lơh sa cau dùl nă să lơh is tàm bơta pa. Tàm pơrjum, ală cau ala măt pơgồp jơnau đơs bè lă tơngu me bè dong kờl pơlam ngui bơta ngăc ngar, hòi jà kă bro phan, mblàng yal, yal tơngit, tơnguh broă pơgồp bal mpồl ai phan lơh broă. Geh uă jơnau sồr bơtơl ai lài mpồl lơh sa kă bro mŭt lơh broă, tam gơl pa bơceh lơh, tam gơl sồ mờ bơcri priă tàm broă lơh sa suơn sre ngui măi mok pa in.