Bè hơ̆, bơh ngai 05 nhai 10 tus tŭ do, mpồl lơh broă geh gơnoar neh rồ tơrgùm geh 24 ƀồc ntìng cau ling chơ̆t màng tàm tiah do. Lài mờ hơ̆, bơh jơnau yal kra ƀòn, cau ling yau Siu Pich 72 sơnam dê, Mpồl K52 neh bơyai tus sền tàm mùl màl.

Bơh broă tàm pơn drờm jơnau yal mờ prang sră rùp rài tam lơh tàm tiah do, mpồl lơh broă geh gơnoar bơyai lơh jòi rồ tàm tiah suơn tam tờm điều hìu ồng Siu Pich. Bal mờ ƀồc ntìng cau ling chơ̆t màng, ală phan lời wơl kung geh jòi gŏ. Tŭ do, 24 ƀồc ntìng cau ling chơ̆t màng neh geh tơrgùm mẫu sinh phẩm nàng drơng tàm broă đal git ADN, đal git măt sơnđan.