Dăk Lăk pơnđơl ai priă bơcri dà lơgar hơđăng 90%
Thứ sáu, 10:53, 13/11/2026
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV.K'Ho - Nàng ai khà ai priă sơrlèt 90% tàm lồi nam, càr Dăk Lăk gam kờp dŭ ală broă rơndăp lơh bơtơl bơnah ai priă, mơkung sồr kờp sền wơl, ai wơl priă bơh ală rơndăp broă lơh ờ geh tơl pràn lơh.
Tàm kờp jơh priă broă rơndăp lơh bơcri priă dà lơgar nam 2026 bơh Thủ tướng Chính phủ dê jàu, Dăk Lăk neh ai priă 5 rbô 828 tơmàn đong, geh 67%, ơm dơ̆ 25 tàm 34 càr, ƀòn dờng. Tơngai pơrgon ai priă lơyài tài bơh uă jơnau, tàm hơ̆ geh gơkòl sờr ntrờn ai măt ù, sră nggal bơcri priă, priă rề priă ngui ù mờ bàr pe priă pa geh jàu.
Jăt tàm bơta kờp sền wơl ală bơnah priă, Sờh Priă jền càr Dăk Lăk geh 3 broă rơndăp lơh nàng kờñ tơngguh khà ai priă gơguh tus pơgăp 95%. Tàm hơ̆, càr lơh mhar ai priă ală rơndăp broă lơh bơnah gùng rơndeh lòt mhar, klờng ală kâp tàm ală sàh nhàr lơgar mờ priă Broă lơh jơnau kờñ dà lơgar.
Viết bình luận