Yal wơl ală jơnau kah wơl niam bơnĕ ngan bè dơ̆ lòt còp kâp Dà lơgar tus lơgar Ală ƀang Nga tàm nhai 09 nam 2026 pa do, ồng Tô Lâm, Tổng Bí thư, Chủ tịch lơgar Việt Nam jờng rơ ngan ală dơ̆ pơrjum bơyai geh kwơ ngan ngồn mờ ồng Vladimir Putin, Kwang ătbồ lơgar Nga mờ ală dơ̆ tìp măt mờ ală kwang Đơng lam lơgar Nga, tàm hơ̆ geh dơ̆ tìp mờ mò Valentina Matvienko, Chủ tịch Mpồl duh broă Ală ƀang Nga dê.

Ồng Tô Lâm, Tổng Bí thư, Chủ tịch lơgar mờ mò Valentina Matvienko, Chủ tịch Mpồl duh broă Ală ƀang Nga dùl nùs ring bal pơn jăt tai sùm cribơyai, tìp măt sùm tàm ală gah, lơh niam gơnoar broă tàm tơrbŏ bơh lơh broă bal nghị viện dê tàm jơh ală gĭt gơ̆p bàr lơgar; chồl pràn ală broă lơh lơh broă bal geh kwơ ngan ngồn, cèng wơl bơta kwơ ai làng bol, ƀòn lơgar mờ mpồl lơh sa kă bro in, tềng đăp măt pal rơndăp nền uă broă rơndăp lơh loh làng nàng chồl pràn lơh broă bal niam chài kòn bơnus, jòi lơh uă ngan rlau jơh ală bơta pràn bơh jơh bàr lơgar dê.