Ồng Trần Thanh Mẫn- Chủ tịch Quốc hội mờ mò Valentina Matviyenko-  Chủ tịch Mpồl duh broă Lơgar ală ƀang Nga ring bal jơnau đơs bơta lơh bơyô bal ờs mờng, pin dờn, bơta gĭt wă bal mờ sền dờng màng bal, dong kờl bal mờ gơ̆p đah Việt Nam mờ Nga neh geh uă rơnàng bơt bơtàu; bàr gah pal tàm pơrdờn bơhiàn ờs mờng hơ̆ mờ mblàng lời wơl ai rơnàng tơnơ̆ do in bơh ală broă lơh, broă lơh tìp mat lơh kwèng niam chài, bơto bơtê, ơruh pơnu mờ lòt nhơl; sền gròi broă bơto bơtê dà Nga tàm lơgar Việt Nam, dà Việt Nam tàm lơgar Nga, pơgồp bơnah tàm bơta bơtàu tơnguh bơh tơl lơgar dê mờ lơh rbàng tàm tơrbŏ bal ai bơta gĭt gơ̆p đah 2 gah dê.

Bàr Chủ tịch đơs nền nùs nhơm lơh ngan ai lơh broă bal Nghị viện gơ lòt mut jrô, sơlơ tơnguh tai pơgồp bal đah ală anih lơh broă ờs mờng, ngui geh cồng nha broă lơh bơh ală mpồl Nghị sĩ lơh bơyô bal; sơlơ tơnguh tai lơh sir ală tơngume adat boh lam mờ jat sền lơh jat ală jơnau ring bal đah 2 gah, lòt bal mờ Chính phủ, ală tiah mờ mpồl lơh sa kă bro 2 lơgar dê.