Thủ tướng đơs sùm, Chính phủ neh koh tơrmù khà rơndăp broă lơh bơh kes priă Dà lơgar dê gơmù gam rlau 3 rbô rơndăp broă lơh tờm kwơmàng, geh bơta lơh gơrề uă. Bal mờ bơnah priă ờ tă, tơrmù dia pơgăp 256 rbô tơmàn đong, cau lam bồ Chính phủ hơ kơ̆ nùs kơ̆ kơl jăp bơta kwơ priă jền dê, ala di tŭ kwang bàng pleh kơnòl mờ lơh geh bơnàng jă tam gơl pràn ai tŭ tơngai bơh nam 2026 – 2030 in.

Nàng tă bơsong bơta gơkòl bơta pràn mờ tơngguh uă pràn tàm pơrlòng rài lơh sa dê, Thủ tướng pà gĭt, rơ̆p tơrgùm tàm ală gùng dà broă rơndăp lơh tờm ngan, pơnđơl gơguh rề dia pơgăp 9%, tềm pềr tơn 5% tă bơcri dà lơgar mờ 10% tă sùm; bơtàu tơngguh drà priă lơh sa di mơ mờ jŏ tơngai, hòi jà sră tềm pềr priă mpồl lơh sa kă bro mờ gơhòi gơ jà ală kes priă bơcri ală lơgar. Ai lài lơh sa mờ măy mŏk tờm ngan, năng lượng, điện tử, ƀán zẫn; bơtàu tơngguh broă lơh sa sươn sre măy mŏk pa, tơlik sang phan ƀơ̆ tus tiah ơm kis dồ êt gơ jăt bal mờ lơh gơlik phan niam uă; chồl tơngguh pràn kơldang lòt nhơl, logistics mờ gơ hòi gơ jà ngui sa. Mơkung gàr niam anih lơh gơlik năng lượng, phan kă bro kờñ pal geh, koh tơrmù priă tă lơh gùng mờ jàu broă jàu sok sền roh giă priă loh làng ai tơl ƀòn lơgar in, lơh bè lơi jơh tơl nă làng bol ndrờm geh dờp lèng cồng nha lơh geh bơh bơta bơtàu tơngguh dê.