Ală cau mblàng jơnau neh tam pà uă bơta sền sơ wì, mờng chài bè ngui măi mok sồ tàm broă lơh sră ƀău, mờ kung đơs tŭ niam mờ bơta lòng bơh cau lơh ƀău dê tàm tŭ tơngai tam gơl sồ mhar ngan, cribơyai bè broă lơh nàng sră ƀău in gơ dờp mờ bơtàu tơnguh tàm tŭ tơngai măi mok ngai sơlơ bơtàu tơnguh, bơta lòng tàm pơrlòng ngai sơlơ dờng. 

Jat cau lơh ƀău ồng Nguyễn Văn Phú, Củ tịc Mpồl cau lơh ƀău càr Dăk Lăk pà git, ală nam rềp ndo, sră ƀău tàm càr Dăk Lăk neh geh ală bơta tam gơl pràn ngan kơnờm măi mok sồ. Ală jơnau sră ƀău neh geh pơnđàng tàm uă bơta, uă jơnau sră ƀău geh sơñio tơn (gam hòi là livestream) gơ hòi gơ jà gal ngan cau sền. Ồng Phú đơs nền, rài sồ ờ mìng là bơta lòng mờ gam là tŭ niam dờng ngan nàng sră ƀău in tơnguh bơta niam, rề ơnàng mpồl cau sền mờ yal jơnau tơnggit mhar, di rlau.