Bơta gĭt gơ̆p cíñ trị niam bơnĕ đah 2 lơgar geh lơh tềl tài bơh ală dơ̆ lòt còp kwang bàng kấp dờng. Is ồn, nhai 10 nam 2024, Tổng Ƀí thư, Củ tịc lơgar ồng Tô Lâm còp ngan ngồn lơgar Tây mờ 2 lơgar tơlik Jơnau yal bơr bal bè broă tơnguh bơta gĭt gơ̆p đah Việt Nam mờ Tây gơguh tus Tam klăc lơh broă bal jŏ jòng tơl làm.

Bè hơ̆, Tây gơ gơs lơgar sơn rờp gơwèt Mpồl Tam klăc câu Âu geh bơta gĭt gơ̆p tàm khà uă ngan rlau jơh mờ lơgar Việt Nam. Broă Kwang atbồ lơgar Tây rơ wah Việt Nam là tiah tus sơn rờp tàm dơ̆ lòt còp tàm tiah do bơh he dê tơngŏ loh làng bơta lơh lài kwơ màng mờ bơta kwơ màng jrô ơnàng làm uă mờ Tây lời ai bơta gĭt gơ̆p đah 2 gah mờ lơgar Việt Nam in. Tơnơ̆ dơ̆ wă rò ngan ngồn tơn, Củ tịc lơgar ồng Lương Cường mờ Kwang atbồ lơgar Tây ồng Emmanuel Macron lam bồ bal mpồl kwang bàng kấp dờng 2 lơgar lơh tus pơrjum bơyai kấp dờng nàng kờñ cribơyai ală broă lơh pơgồp bơnah lơh jrô ơnàng làm uă, geh cồng nha rlau tai bơta gĭt gơ̆p Tam klăc lơh broă bal jŏ jòng tơl làm đah 2 lơgar dê.