Tàm nùs nhơm song dơ pă jơh nùs, lơh bơyô mờ pin dờn, bàr nă Kwang đơng lam neh yal broă lơh sa, mpồl bơtiàn tơl lơgar dê; đơs bè ală broă bơtàu tơngguh bơh gĭt gơ̆p 2 gah dê tàm tơngai do, mơkung cribơyai mờ ring bal bè ală broă rơndăp lơh lơh broă bal dờng đah bàr lơgar tàm tơngai tus. Củ tịc lơgar ồng Lương Cường mờ Kwang ătbồ lơgar Tây dùl nùs bal ai tơl bơta kă bro phan bơcri priă in; lam lơh mờ lơh jăt geh cồng nha Jơnau hơ nền kă bro phan khăt gơboh đah Việt Nam mờ EU. Lơgar Tây rơ̆p ai tơl bơta nàng kờñ gờñ lơh sir sền swì ring bal Jơnau hơ nền sền gàr dong kờl bơcri priă đah EU mờ Việt Nam, sồr Anih duh broă câu Âu gờñ sang sơrbì “sră rơmĭt” IUU gơ wèt mờ phan tàm dà lơgar Việt Nam dê mờ ai tơl bơta nàng Việt Nam in tơngguh tăc phan tàm dà mờ lơgar ndai mŭt tàm drà lơgar Tây mờ EU. Bàr nă kwang đơng lam ring bal pơn jăt tai sơlơ tơngguh tai mờ ai tơl bơta lơh broă bal tàm ală gah lơh broă bal ờs mờng bơh lài bè bơto bơtê, lơh sơnơm mờ sền gàr adăt boh lam kung bè tàm gah niam chài- lòt nhơl, broă lơh sa sươn sre mờ drơng mờ tam gơl nhơm trồ tiah.

Tơnơ̆ pơrjum bơyai, Củ tịc lơgar ồng Lương Cường mờ Kwang ătbồ lơgar Tây sền gŏ bal dơ̆ jàu ală sră nggal lơh broă bal tàm uă gah broă sền gàr dà lơgar, lơngăp lơngai, jak chài măy mŏk, năng lượng hạt ñân, sền gàr adăt boh lam, lòt rê jun pơndiang, gah rơndeh par kơlwàng trồ, broă lơh sa sươn sre mờ tiah ơm kis, lơh sơnơm.