Wă Kwang atbồ anih lơh broă ala mat lơgar Campuchia, mò Touch Pharat, Củ tịc lơgar ồng Lương Cường gờm chờ Kwang atbồ anih lơh broă ala mat lơgar Campuchia tus dờp lơh kơnòl broă tàm lơgar Việt Nam, pin dờn mờ mờng chài rơ̆ ru cribơyai broă mờ lơgar ndai, Kwang atbồ anih lơh broă ala mat lơgar Campuchia rơ̆p geh uă tă pơgồp jơh nùs, pơgồp bơnah sơlơ tơnguh tai bơta gĭt gơ̆p lơgar rềp bal niam bơnĕ, lơh bơyô bal ờs mờng, lơh broă bal tơl làm, kơnhăp kơ̆ jŏ jòng đah 2 lơgar dê. Củ tịc lơgar đơs nền gơtha cíñ trị jrô ơnàng làm uă, tơngŏ broă lơh ờ tŭ lơi tam gơl bơh lơgar Việt Nam dê sùm lời ai lài uă ngan ai broă lơh bơtàu tơnguh bơta gĭt gơ̆p lơh bơyô bal ờs mờng bơh Việt Nam mờ Campuchia dê kung bè đah 3 lơgar Việt Nam- Campuchia mờ Lào sùm tam klăc bal rơ̆p sơr lèt gan tơl bơta kal ke.

Gờm chờ ồng Thammer Mohammed Al Gosaibi geh pồ lơh Kwang atbồ anih lơh broă ala mat lơgar  Bơtàu Saudi Arabia tàm lơgar Việt Nam; Củ tịc lơgar đơs nền Việt Nam jờng rơ uă ngan kơnòl mờ gơnoar bơh lơgar Saudi Arabia dê tàm tiah do, is ồn tàm dunia Arab mờ gah jat Yàng Islam; gờm chờ ală cồng nha lơh geh bơtàu tơnguh bơh Saudi Arabia dê tàm tŭ lơh ngan ngồn ală jơnau kờñ tàm Sền sơnơng nam 2030 mờ pin dờn là Hìu bơnhă Bơtau, Cíñ phủ mờ Làng bol lơgar Saudi Arabia dê rơ̆p pơn jat tai ai geh uă cồng nha rlau tai tàm broă lơh bơt bơtàu mờ bơtàu tơnguh Dà lơgar.