Tàm do, ală cau lơh ƀău jŏ nam, kwang đơng lam bồ anih sră ƀău neh tam pà mờng chài bè bơt bơtàu gùng dà broă lơh krơi is, ai tơlik lài gùng dà tam gơl Adat sră ƀău, tam gơl sồ mờ bơtàu tơnguh uă gah yal tơnggit. Củ tịc Quôk hội jờng rơ ală tă pơgồp bơh sră ƀău dê tàm broă lơh kac màng, mờ kung đơs nền tam gơl pa bồ tơngoh lơh adat boh lam, mìng cih ală broă gơ wèt gơnăp gơnoar Quôk hội dê, pleh lơh gơs adat boh lam ală tơngume gơ wèt jơnau lơh nền bơh Cíñ phủ dê, ală thông tư. Quôk hội rơp pơn jat tai bơsong ală kòl yan bè priă jền, tam pà kâp, tam pà gơnoar pràn kơldang, jàu gơnoar rơcang lài ai Cíñ phủ in tàm broă lơh jat adat boh lam nàng kờñ tơnguh cồng nha lam lơh jat adat boh lam, lơh gơlik bơta ƀuơn ai bơtàu tơnguh lơh sa – mpồl bơtiàn dà lơgar dê in.