Củ tịc Quôk hội ồng Trần Thanh Mẫn tìp mat Mpồl cau ala mat Quôk hội càr Hậu Giang
Thứ sáu, 10:29, 30/05/2025
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Mho ngai 29/05, tàm Hìu lơh broă Quôk hội, Củ tịc Quôk hội ồng Trần Thanh Mẫn neh tìp mat Mpồl Cau ala mat Quôk hội ală khoă càr Hậu Giang dê, di dơ̆ rê còp tiah tờm sơnrờp kăc màng tơngkah kir sơnrai 80 nam Ngai Tĕ khà dờng sơn rờp pồ Quôk hội Việt Nam (6/1/1946).
Củ tịc Quôk hội jờng rơ uă ngan bơta bơtàu tơnguh lơh sa mpồl bơtiàn, sền gàr Dà lơgar, lơngăp lơngai bơh càr Hậu Giang dê tơnơ̆ 20 nam tơnggơs. Quôk hội mờr tus rơ̆p ring bal Jơnau lơh nền tàm pơrjum tơmut bal mpồl lơh broă sră nggal gơnoar atbồ kấp càr, tàm hơ̆ càr Hậu Giang mờ Sóc Trăng rơ̆p tơmŭt bal mờ ƀòn dờng Cần Thơ, dờp geh broă lơh dong kờl krơi is bơh ƀòn dờng gơwèt Dà lơgar dê.
Củ tịc Quôk hội jờng rơ Mpồl Cau ala mat Quôk hội càr Hậu Giang neh bơyai lơh dơ̆ lòt còp geh kwơ ngan tus Tuyên Quang, còp tiah tềl lời wơl Mpồl Duh broă sùm Quôk hội tàm Tân Trào, pơgồp bơnah kah wơl bơhiàn ờs mờng mờ jờng rơ kah yau 80 nam tơnggơs, bơtàu tơnguh bơh Quôk hội Việt Nam dê.
Viết bình luận