Dăk Lăk bơtơl tai 3 nă Kwang bàng Mpồl lơh kơnòl broă sùm Tỉñ ủy càr
Thứ ba, 14:13, 27/05/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Mho ngai 26/05, Tỉñ ủy càr Dăk Lăk bơyai lơh Pơrjum yal jơnau lơh nền bơh Mpồl Đơng lam Đảng dê bè broă lơh kwang bàng.
Jăt hơ̆, Mpồl Duh broă Đảng Dà lơgar neh ring bal jơnau dan bơtơl 3 nă kwang bàng mŭt bal tàm Mpồl Lơh kơnòl broă sùm Tỉñ ủy càr Dăk Lăk, tơngai lơh broă bơh nam 2020- 2025, geh: ồng Y Giang Gry Niê Knơng, Củ tịc Anih duh broă Mặt trận dà lơgar Việt Nam càr; ồng Nguyễn Đình Viên, Cau lam bồ Cơldŭ lơh broă Tỉñ ủy càr; mò H’Yim Kđoh, Ƀí thư Thị ủy ƀòn drà dờng Buôn Hồ.
Broă pồ tơl kwang bàng Mpồl Lơh kơnòl broă sùm Tỉñ ủy càr Dăk Lăk geh lơh tàm bơta ƀòn lơgar gam rơcăng ai tŭ tơngai tơmŭt bal càr jăt jơnau sồr bal bơh Dà lơgar dê.
Viết bình luận