Tàm dơ̆ pơrlòng kơnòm bơsram jak dà lơgar, càr Dăk Lăk geh 72 khà jờng, tàm hơ̆ geh 2 khà dùl. Do là cồng nha jơnhua ngan rlau jơh bơh lài tus tŭ do, ơm dơ̆ 16 gùt lơgar, pơn jat tai gàr sap sèng lam lài tàm ală càr gơ wèt tiah kềng gah dà lềng đah jum tàm gùl lơgar mờ Tây Nguyên.

Kuơ màng, geh 4 nă kơnòm bơsram geh rơ wah mut tàm dar pơrlòng rơ wah mpồl pơrlòng dà lơgar lòt pơrlòng Olympic kơnhoàl ù tiah mờ ală lơgar nam 2025; 1 nă kơnòm bơsram pơn yờ să ngan geh ala mat Việt Nam lòt pơrlòng Olympic Tin họk câu Á – Thái Bình Dương. Tàm dơ̆ jờng rơ, đơng lam bồ càr Dăk Lăk neh cih dờp mờ jờng rơ ală bơta lơh ngan, bơta pơn đơl pràn bơh ală pơgru mờ ală kơnòm bơsram dê tàm nam lài, sồr gah Bơto bơtê mờ Bơsram càr pơn jat tai lơh geh cồng nha jak, tơrgùm tơnguh cồng nha bơto bơsram tơl làm mờ tàm ală dơ̆ pơrlòng kơnòm bơsram jak ală kâp.