Dăk Lăk rơcang Pơrjum dờng Đảng ƀộ càr dơ̆ XVIII
Thứ hai, 14:12, 09/06/2025
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV4.K'Ho- Mpồl lơh kơnòl broă sùm Tỉñ ủy càr Dăk Lăk pa bơyai lơh Pơrjum Mpồl duh broă Đảng ƀộ càr dơ̆ 33 (rề ơnàng), cribơyai, ai jơnau đơs tàm ală tơngume rơcang ai Pơrjum dờng Đảng ƀộ càr dơ̆ XVIII, tơngai lơh broă bơh nam 2025 tus nam 2030.
Tàm pơrjum, ală cau ala mat neh tơrgùm tă pơgồp jơnau đơs tàm jơnau rơcang cih Jơnau yal cíñ trị mờ 17 broă jàu tờm mờ 5 mpồl kơnòl broă, broă lơh kuơmàng. Pơrjum kung ring bal uă mờ jơnau lơh nền crơng gơs Đảng ƀộ càr Dăk Lăk (pa) bơh bơta tơrgùm dùl càr Dăk Lăk mờ càr Phú Yên. Tơnơ̆ rơndap tap sèng, gùt càr rơp geh 108 mpồl lơh broă Đảng gơ wèt Tỉñ ủy càr mờ mờr 136 rbô 750 nă đảng viên.
Đơs tàm pơrjum, Ƀí thư Tỉñ ủy càr Dăk Lăk ồng Nguyễn Đình Trung sồr Mpồl dềt cih sră nggal cih dờp wil tơl ală jơnau đơs tă pơgồp, lơh sir sră nggal yal pơrjum dờng in. Broă ngui niam bơta ƀuơn bơh jơh bal 2 càr dê tơnơ̆ tŭ tơrgùm dùl pal gơ jat bal mờ bơtàu tơnguh tơl làm mờ kơ̆ kơljap jŏ jòng sùm.
Viết bình luận