Ală ƀồc ntìng geh Đội K52 (Gah đơng lam Mpồl ling klàng càr Gia Lai dê) jòi, tơrgùm tàm kàl prang nam 2024 - 2025 tàm  3 càr tiah đah Tô mat tơngai lik lơgar  Campuchia. Kờp tus tŭ do, Đội K52 neh tơrgùm mờ jun rê ƀòn tờm kờp jơh geh 1 rơbô 512 ƀồc ntìng cau ling chơ̆t màng, tơngŏ bơta lơh ngan sùm ờ ơm rlô tàm gùng lòt kah ưn ngài ală cau neh chơ̆t phi să tài kơnòl broă ală lơgar dờng màng.

Dơ̆ bơyai lơh geh bơyai lơh tàm nùs nhơm dờng màng mờ ngoh rơngăc, geh bơta tus bal bơh đơng lam bồ càr Gia Lai, càr Preah Vihear, ala mat mpồl ling phàu crong Ling klàng lơgar Campuchia, ală mpồl, gah broă, mpồl cau, mpồl ling phàu crong tiah do dê, bal mờ uă ngan làng bol. Ală cau ala mat neh jơh nùs chu ñàng, pơdơng bơkào, tơngŏ nùs nhơm gĭt ưn ngài uă ngan tềng đăp bơta phi să khin cha jak chài bơh ală cau kòn jak chài ngan bơh Dà lơgar dê tài ring lơngai mờ bơta lơh bơyô bal đah jơi bơtiàn Việt Nam mờ Campuchia.