Gia Lai ring bal jơnau lơh nền tàm tơrbŏ bal ngui geh cồng nha phan bơna lơh sơnơm
Thứ tư, 06:00, 25/06/2025
Cau mblàng: K’Duẩn/VOV Tây Nguyên

VOV4K'Ho- Drim òr (24/06), tàm pơrjum dơ̆ 27, Mpồl duh broă làng bol càr Gia Lai neh ring bal Jơnau lơh nền ngui phan bơna dà lơgar tàm Hìu sơnơm dờng càr tàm jơnau kờñ lơh bal kă bro mờ Kông ty TNHH Hìu sơnơm Bình An Gia Lai, mờ kờp jơh priă bơcri kờp dŭ rlau 350 tơmàn đong.
Kông ty Hìu sơnơm Bình An rơp tă pơgồp mờr 250 tơmàn đong priă tă lơh bơh sơn rờp, ngui jơh phan bơna, măi mok lơh sơnơm gam geh tŭ do, bal mờ broă rơndap lơh tơnguh cau lơh broă drơng broă kham sơm kòp, tơnguh cồng nha lơh broă.

Jơnau lơh nền kờp dŭ geh tŭ tơngai lam lơh 30 nam. Jat Anih duh broă làng bol càr Gia Lai yal, broă lơh bal kă bro, tàm tơrbŏ bal là pal geh tài Hìu sơnơm dờng càr Gia Lai bulah geh bơcri priă wil tơl bè phan bơna, cau lơh broă mơya ờ hềt gơtùi lơh jat jơnau sồr sền gàr pràn kơldang să jan ngai sơlơ uă bơh làng bol dê.
Viết bình luận