Củ tịc Quôk hội đơs sùm, Đảng, Dà lơgar sền gròi ngan tus mpồl bơtiàn cau Việt Nam tàm lơgar ndai. Mpồl bơtiàn cau Việt Nam tàm dunia đơs bal mờ Senegal đơs is ờ gơtùi tàm cah is mpồl tam klăc dờng jơh gùt jơi bơtiàn bơh Dà lơgar Việt Nam dê- Dà lơgar neh geh bơhiàn kwơ màng bè nùs nhơm tam klăc bal neh ai geh pha lin tàm dơ̆ tam lơh tơngklàs jơi bơtiàn, kung bè tàm broă lơh bơt bơtàu mờ sền gàr Dà lơgar tŭ do dê.

Ala mat đơng lam bồ Đảng, Dà lơgar, Mpồl lơh broă kấp dờng bơh lơgar he dê, Củ tịc Quôk hội ồng Trần Thanh Mẫn pơyoa jơnau gờm chờ jơh gùt mpồl bơtiàn cau Việt Nam kis tàm lơgar Senegal sơr lèt gan tơl bơta kal ke, bơta lòng nàng bè ờs wơl rài kis; mơkung ưn ngài Quôk hội, Cíñ phủ Senegal neh dong kờl mpồl bơtiàn cau Việt Nam tàm tơngai pa do mờ kơ̆p kờñ là rơ̆p pơn jat tai dong kờl nàng mpồl bơtiàn cau Việt Nam gam ơm kis tàm Senegal in bè ờs wơl rài kis mờ geh ală tă pơgồp ai Dà lơgar he ơm kis dê in.