Cíñ phủ pơrjum mìng dùl tơngu me lơh adăt boh lam nhai 7 nam 2025
Thứ năm, 07:59, 24/07/2025 Cau mblàng Ndong Brawl/VOV Cau mblàng Ndong Brawl/VOV
VOV.K'Ho- Drim òr (23/07), Thủ tướng Cíñ phủ ồng Phạm Minh Chính đơng lam Pơrjum Cíñ phủ mìng dùl tơngu me nàng bơ̆t bơtàu adăt boh lam nhai 7 nam 2025 nàng sền wơl, pơgồp jơnau đơs tàm 8 tơngu me lơh adăt boh lam, tàm hơ̆ geh 7 rơndăp broă rơcang cih adăt mờ jơnau sồr bơh Cíñ phủ dê bè broă lơh adăt boh lam nam 2026.

Pơgồp jơnau đơs tàm jơnau rơcang cih Adăt tam gơl, bơtơl ờ uă bơta tàm Adăt Rài kis adăt boh lam, Thủ tướng ồng Phạm Minh Chính đơs là, jơnau rơcang cih Adăt geh ai Ƀộ Kwang àng atbồ bè rài kis adăt boh lam là broă lơh tơrmù sră nggal, tơrmù broă lơh ai làng bol, mpồl lơh sa kă bro in, ală anih lơh broă, lơh jăt broă lơh tơrmù mpồl lơh broă, lơh broă pràn mờ geh cồng nha.

Thủ tướng sồr Ƀộ Kwang àng pơn jăt tai lùp sền ală jơnau geh ai bơh ală lơgar dê, ală cau jăk, cau kong gơrềng nàng lơh gơs jơnau rơcang cih Adăt, gàr niam geh cồng nha tŭ geh ai ngui. Tàm Pơrjum, ală kwang bàng tàm Cíñ phủ pơgồp jơnau đơs tàm Jơnau rơcang cih Adăt Bơto bơtê đại họk (ala); Jơnau rơcang cih Adăt Bơto bơtê broă lơh (ala); Jơnau rơcang cih Adăt Sră ƀăo (ala) mờ jơnau sồr bơh Cíñ phủ bè Broă lơh adăt boh lam nam 2026.

Cau mblàng Ndong Brawl/VOV

Viết bình luận

TIN CÙNG CHUYÊN MỤC