Mờ gùng dà broă lơh: tam klăc bal - làng bol lơh tờm- duh rơngòt kơrnoat boh lam - tam gơl pràn - bơtàu tơnguh, tơngai lơh broă bơh nam 2025-2030 Pơrjum dờng ai tơlik jơnau kờñ là: Bơt bơtàu Đảng ƀộ Hìu bơsram kơlôi sơnơng sàng goh, kơ̆ kơl jăp, pràn kơl dang, tơl làm, tam klăc bal, lơh krơh niam, làng bol lơh tờm, duh rơngòt kơrnoăt boh lam, tam gơl pràn, bơtàu tơnguh, lơh sir jak ngan ală kơnòl broă tus nam 2030; đơng lam bơtàu tơnguh Hìu bơsram kơlôi sơnơng gơ gơs rùp rài lam lài bè bơto bơtê, tề lam kwang bàng, anih tờm Dà lơgar dê bè kơlôi sơnơng củ nghĩa Mác – Lênin mờ bồ tơngoh Hồ Chí Minh.

Nàng Đảng ƀộ Hìu bơsram kơlôi sơnơng in đơng lam lơh sir jak ngan ală kơnòl broă tàm tơngai tus, Ƀí thư Đảng ủy ală anih lơh  broă Đảng Dà lơgar ồng Trần Cẩm Tú sồr: pơn jat tai sền gròi bơt bơtàu Đảng ƀộ Hìu bơsram kơlôi sơnơng ngan ngồn sàng goh, kơ̆ kơl jăp pràn kơl dang, là Đảng ƀộ pơn rơ jak, lam lài tàm Đảng ƀộ ală anih lơh broă Đảng Dà lơgar dê; Sền gròi bơt bơtàu mpồl kwang bàng, đảng viên, cau pơgru ngan ngồn lơh krơh niam bè tơl bơta, chài bè jơnau tàm pơ àr, jrô bè ờs mờng lơh  broă, rềp mờ bơta geh ngan, geh bơta pràn lơh broă tàm tiah mut gơrờm bal ală lơgar.