Do là broă lơh rơcăng kwơmàng nàng kờñ lơh sir bơsong priă jền ai ală cau in lài mờ tơngai pơrgon lồi dŭt là ngai 31/08 jăt Jơnau đơs pơndŭt 183 Ƀộ Cíñ trị dê. Tus tŭ do, Dăk Lăk neh tă tơm priă ai 709 nă tàm 2 rbô 608 nă cau geh dờp bơta dong kờl jăt Jơnau lơh nền Cíñ phủ dê 178, mờ kờp jơh priă tă lơh rlau 704 tơmàn đong. Khà gam wơl 1 rbô 899 nă cau, kờñ rlau 2 rbô 164 tơmàn đong nàng tă tơm. Sờh Priă jền càr Dăk Lăk pà gĭt, priă neh geh Dà lơgar bơtơl geh jơnau kờñ rlau 626 tơmàn đong, kes priă càr ai 195 tơmàn đong, gam ờ tơl rlau 1 rbô 343 tơmàn đong gam dan mờ Dà lơgar pà bơtơl.

Mò Hồ Thị Nguyên Thảo, Phó Củ tịc Duh broă sùm Anih duh broă Làng bol càr Dăk Lăk sồr ală sờh, gah, ƀòn lơgar kờp sền nền wơl, bơtơl sră nggal, pal lùp nền wơl mờ tơrgùm bal di tŭ nàng Ƀộ Priă jền in bơtơl priă tă lơh, tă tơm wil tơl priă dong kờl ai kwang bàng, kông cưk, viên cưk mờ cau lơh broă in jăt jơnau sồr.