Tàm dơ̆ wă, Củ tịc lơgar ồng Lương Cường đơs nền, bơta git gơp lơh bơyô dờng màng, tam klac bal kuơmàng, lơh broă bal tơl làm đah Việt Nam mờ Lào geh gơtha dờng ngan gơ wèt mờ broă lơh bơt bơtàu mờ sền gàr Dà lơgar bơh tơl lơgar dê; là bơta geh ngan ờs mờng kis jŏ mờ bơtàu tơnguh bơh tơl lơgar dê. 

Củ tịc lơgar ồng Lương Cường sồr, tàm tơngai tus, ling klàng 2 lơgar sơlơ tơnguh tai lơh broă bal, cribơyai mờng chài, bơt bơtàu ling klàng kơ̆ kơljap, pràn kơldang bè cíñ trị, bồ tơngoh, kwang bàng mờ mpồl lơh broă; sền gròi tus broă lơh kơ̆ kơljap, sền gàr bơnàng jă bồ tơngoh bơh Đảng dê, gàr kơ̆ bơta đơng lam bồ tơl làm, đơng lam tơn bè tơl bơta bơh Đảng dê gơ wèt mờ Ling klàng làng bol; tơnguh gơnoar broă, cồng nha lam lơh broă lơh Đảng, broă lơh cíñ trị tàm tơl broă, broă lơh, rơndap broă lơh broă bal đah 2 ling klàng, sơlơ tơnguh rlau tai mblàng yal, bơto bơtê geh cồng nha bè kah yau, jơnau gơtha, bơta kuơmàng bơh bơta git gơp dờng màng Việt Nam – Lào.