
Mho ngai 23 nhai 07, tàm dơ̆ lòt còp lơgar Senegal, Củ tịc Quôk hội ồng Trần Thanh Mẫn mờ Củ tịc Quôk hội lơgar Senegal ồng El Malick Ndiaye neh tus bal Tìp măt tàm bơyai gùng dà broă lơh nàng kờñ hòi jà lơh broă bal 2 gah. Củ tịc Quôk hội ồng Trần Thanh Mẫn pà gĭt, lơgar Việt Nam geh uă bơta pràn gơtùi lơh broă bal mờ lơgar Senegal, bè: broă lơh sa sươn sre, jun yal jơnau, phan bơna bơ̆t bơtàu sồ, jòi phan kwơ tàm ù, ròng tam phan tàm dà, bơ̆t bơtàu mờ lơh uă phan bơna bơ̆t bơtàu. Củ tịc Quôk hội ồng Trần Thanh Mẫn tơlik nùs nhơm pin dờn ală ƀộ, gah, mpồl lơh sa kă bro bàr lơgar Việt Nam mờ Senegal rơ̆p lơh ngan chồl tơngguh gĭt gơ̆p lơh broă bal ngai sơlơ jrô ơnàng làm uă mờ geh cồng nha.

Ồng sồr 2 đah sơlơ pơgồp bal tai nàng dong kờl mpồl lơh sa kă bro Việt Nam tus bơcri tàm lơgar Seneal, mơkung kơ̆p kờñ Quôk hội lơgar Senegal ai tơl bơta ƀươn ai broă lơh bơcri priă in. Quôk hội Việt Nam kung crăp rơcăng dong kờl mpồl lơh sa kă bro lơgar Senegal bơcri priă tàm Việt Nam tàm ală broă lơh geh bơta pràn.
Viết bình luận