Tiah gơtìp rơdàng do geh tơn tềng sơnĕ pe gùng Chu Văn An mờ Huỳnh Thúc Kháng, tềng đăp hìu lơh broă bơh dùl anih priă jền dê. Bơta gơtìp rơdàng, tơrlah ngai sơlơ uă mờ tŭ do neh jòng rơlao 50 thơk, jrô bơh 30 tus 40 phơng, ơnàng di pơgăp 20, 30 thớk vuông mờ ờ hềt tơngŏ jơh.

Tơnơ̆ mờ tŭ gŏ rơdàng gùng, Anih duh broă làng bol ƀòn dờng Gia Nghĩa neh tồt jơnau yal lài, ngui che bal mờ ñjrong nàng kơrian ing gơl gùng gơtìp rơdàng do. Lài ngan ai gŏ bơta rơdàng do là tài tiah gơtìp tơrlơm ù di pal mờ tiah lơh rơbòng tơlik dà lài do, lơh bơh uă nam lài. Rơbòng gơtìp kòl, lŭ pơrgan ờ pràn ờ jai mờ bơta ñjơ̆, neh lơh gùng gơtìp gơmù ù. Dà sòr kờn lơh sùh ù, lơh ờ niam tus mờ bê tông cài, pơgồp bal mờ mìu dờng neh lơh gơtìp tơrlơm uă rơlao.