Ngai chờ geh lơh mờ broă lơh pơlam tơn mờ pờ tơlik tàm internet, dong kơnòm bơsram git lài jơnau kờñ bơsram broă lơh, rơ wah bơsram dipal mờ pràn jak să tờm dê, bơta geh ngan bè priă jề hìu bơnhă mờ jơnau kờñ ngui cau lơh broă mpồl bơtiàn dê. Bơdìh hơ̆ tai, kơnòm bơsram gam geh pơlam rơ wah gah bơsram mờ lơh sir sră nggal sac rơ wah.

Tàm dơ̆ pơlam, uă hìu bơsram bơto broă lơh mờ mpồl lơh sa kă bro tàm càr mờ bơdìh càr neh yal jơnau tơnggit bè gah bơto bơtê, broă bơto bơtê mờ tŭ niam jòi geh broă lơh tơnơ̆ tŭ lik klờng. Broă lơh do pơgồp bơnah kuơmàng tàm broă dong kơnòm bơsram rơ wah di gùng lòt, tơrmù bơta kơn jơ̆ pơrlòng đại họk mờ tơnguh tŭ niam geh broă lơh jŏ jòng sùm.